Në diasporë kultivon traditat kulturore dhe kombëtare…
Shoqata “Dardania” nga Montebelluna i Italisë
Nga Hasan Hasanramaj
Aktivitetet e mërgimtarëve me nxënësit e paraleleve në gjuhën shqipe në Itali, ruajtja dhe kultivimin e traditave kombëtare, aktivizimi e aktiviteteve kulturore-artistike dhe shumë aktiviteteve të tjera ishin tema rreth të cilave biseduam me Faik Tafollin, kryetar të shoqatës “Dardania” në qytetin Montebelluna të Italisë. Shoqata “Dardania”, na tha Tafolli u themelua gjatë vitit 1995 me synimin kryesor ishte hapjen e paraleleve të shkollës shqipe-mësim plotësues dhe azktivitet tjera në qytetin Montebelluna, në kuadër të shoqatës kulturore- artistike “Dardania”. Pastaj formimi edhe grupi të valleve dhe i muzikës folklorike e popullore. Shoqata kulturore-artistike “Dardania”, për t’i njohur më për së afërmi këta të rinj dhe të reja me vendlindjen e tyre, rregullisht për çdo vit ka organizua dhe organizonë ekskursion gjatë pushimeve verore, që nga viti 2005. Ekskursionet kryesisht organizohen nëpër Kosovë, Shqipëri dhe troje të tjera stërgjyshore, duke vizituar monumentet historike, kulturore dhe vendet turistike nëpër qendër komunale në Shqipëri dhe Kosovë, ku para publikut, në ambient të hapur janë shfaqur program me kënge e valle popullore dhe kudo ku kemi kaluar jemi ndarë me përshtypjet më të mira- na tha Faik Tafolli. Shoqata kulturore-artistike “Dardania” nga Italia kudo ku ishim u ndame të kënaqur me publikun në trojet tona stërgjyshore dhe mikpritjen e madhe shqiptare. Kryesia e Shoqatës, e cila njëherësh është edhe boshti kryesor i organizimit të shkollës shqipe në Itali e cila bëri punë të madhe në zhvillimin e procesit edukativo-arsimor dhe të zhvillimit dhe afirmimit të aktiviteteve kulturore-artistike me fëmijjët e të gjitha moshave.
Kryetari i Shoqatës, Faik Tafolli gjatë bisede që zhvilluam me te na njoftoi se pjesa dërrmuese e fëmijëve që kanë lindur në Itali, por edhe e këtyre pak më të rriturve, duke iu falënderuar shoqatës kulturore-artistike “Dardania” nuk dallojnë nga moshatarët e tyre në Kosovë në të folur dhe në të shkruar të gjuhës shqipe, në këndim të këngëve dhe në luajtje të valleve, pastaj në veshjet kombëtare, si dhe në njohje të historisë shqiptare dhe të traditave të popullit shqiptar. Për ta ruajtur kontaktin me atdheun – strukturat udhëheqëse të shoqërisë kulturore-artistike “Dardania” organizuan ekskursione nëpër Kosove, ku vizituohen vendet me rëndësi të veçantë historike, kulturore dhe turistike, ku djelmoshat dhe vajzat aktive nga diaspora me fanatizëm në dekadën e fundit kanë ditur t’i ruajnë, traditat, doket, zakonet, mikpritjen e madhe shqiptare, këngën, vallen, gjuhen e bukur shqipe në të folur dhe shkruar dhe të mirat e tjera të popullit shqiptar. Gjatë vizitave që i kemi organizua në Kosovë me fëmijët mërgimtar kemi vizitua ë Shpellën e Gadimës, qytetin e bukur të Prizrenit, Prishtinën, kompleksit e varrit të presidentit Rugova. Kur jemi këtu duhet ta dinë se aktivitete kulturore-artistike të kësaj shoqërie zhvillohen ne baza vullnetare pa asnjë përfitim të kryesisë ose të grupit të valltarëve, këngëtareve apo të grupeve të tjera artistike. Kjo do të thotë se duhet të kesh moral të fortë për të vazhduar aktivitete të suksesshme.
