POEZI NGA KALOSH ÇELIKU
POETI QË ËSHTË DJEGUR NË ZJARR
E DI SE ҪKA ËSHTË ZJARRI
NGA KALOSH ÇELIKU
(Rojet e Shtëpisë)
Ende, e mbaj në mend Babain
I donte, kafshët shtëpiake:
Përveç, qeve. Lopëve. Dhenëve
Ogiçve brirë pëdredhur. Pulave.
Gjelit kryengritës, mbi gardh
Edhe, Qenin. Macen për minjë.
Sot, u binda: Pse, Babai kaçak
I donte, këto kafshë shtëpiake:
Me Tomi Juniorin rrugaç: Kur,
Ai, e hante para dere një mi…
(Porosia e Qeverisë “përbashkët”)
Porosia e Qeverisë të “përbashkët”:
Popull, kini kujdes! Respektoni masat!
Qeveritare. Ne, mund të dalim pa maska:
Dhe, organizojmë manifestime politike
Po, ju rrini në shtëpi edhe me maska!
Them: Jepni popullit ushqim cilësor
Vitamin D. Pak rreze. Dielli mbi Mal!
Jo, Koronavirus. Lopë shterpa Katundi
Qeveri, me “armikun e padukshëm”
Nateditë, Pasmednate pas porte.
I keni rritur masat Policore Qeveritare:
Katër anëve, rrethuar me Koronavirus:
“Besë” politike. Pabesi. “Liri” artistike.
Shkak, që Sot, u përgjigjem publikisht:
Populli do: Bukë! Liri. Jo, Koronavirus!…
(Lufta ime vashdon
me Poezi erotike)
Edhe, “miqtë” e mi partizanë partiak
Veshur këmbekrye “kuqezi”. “Liri”.
Nuk më shajnë Sot, si Dje në gazeta:
As kërcnohen me komente. Atentate.
Gazetave. Portale partiake me taxhi
Përqafe. Një post politik në Qeveri.
Një vend pune. Një Ҫmim shtetëror
Rrogë argati të marrin pa vend pune.
Rrufjanët, që rrinë në shtëpi. Biruca
Me shpifje. Denoncime në Polici.
Gazeta. Radio-televizone “shtetërore”:
Debate trusakate të politikanëve qorra
Që, të vrasin Natën. E, të qajnë Ditën.
Sot, nuk e djegin banesën. Shtëpinë
“Xhipin” e Babait, para dritareve.
Përditë, nuk më vrasin ende në pusi
Shkaku, shpikjes të një metode të re:
Është i çmendur. Nuk meriton fjalime!
Kurora lulesh plastike, qajmë mbi varr
Shpallim dëshmor lufte. Përmendore.
Sot, eci lirshëm në Shkupin Shqiptar…
(Ecë Rrugaçe Vitin e Ri 2021
të pimë te “Parku i Grave”)
Jo, nuk dua verë. As, ibrikë raki rrushi
Dy shtama me verë të Mikes Laydi Di.
Përveç, Një Rrugaçe të çmendur. Shtëpi:
Dy Shamikuqe, lidhur për brezi. Egër.
Dy shtama me verë, rrëzojë në shtrat
“Armikun e pabesë”, ta vras një Natë!
Jo, nuk dua raki rrushi. Verë me shtama
I dua, Dy shtamat me verë të Rrugaçes!
Mbi kokë, lidhur me Dy shami për brezi:
“Armikun e pabesë”, ta vras në shtratë!…
(Sonte pas politikanëve
e mora vaksinën B.)
Padashtatas, mbeta vonë në Tavernë
Me rakinë e rrushit. Dhe, Birrë Rrapi.
Papritmas, erdhën disa kalimtarë rasti
Matanë, karshi meje e shtruan me meze:
Raki rrushi. Dashuri. Biseda politike.
Mbarëprapë. Biseda dalldisi, mori fushën
Me raki rrushi. Nacionalizëm serbomadh.
Mysafiri, dikur nxori një nështetësi serbe
Ia dorëzoi mikut. Nikoqirit, “maqedonas”.
Unë, matanë tavolinës pija birrë Rrapi
Dhe, e prisja kamarieri ta bëj pagasën.
Dikur, kamarieri erdhi, dhe dola në rrugë
Borë e madhe, jashtë biente flokë – flokë.
Thashë, me vete: E mora, vaksinën B.
Sonte, kundra Koronavirusit. “Armik”…
(Vetë Sonte do shkoj në Shtëpi)
Edhe, Sot kam pi birrë të errët
Dihet, atë: Si një bollë shullani.
Kokëmëkokë me dëllinja Parku:
Jo, atë të zakonshmen me Diell
Po, birrën me vitamin H. Qiell.
Natën, kthehem këmbë rrugës
Mezi eci nga “Parku i Grave”.
E hiqja vallen e burrave tetëshe
Pas meje, dëgjoj një zë Gruaje:
Zotëri, a jeni mirë? Dhe, sonte
A, keni pak nevojë për ndihmë?!
Jo, i përgjigjem pa e këthyer kokën
Vetë, Sonte do të shkoj në Shtëpi…
(Nata e arratisur Sonte
nuk do Hënë)
Nata e arrrrtisur, Soonte nuk do Hënë
Po, Diell me rreze, majë maleve!
Edhe, atë: mëngjesin, pasi e kemi hëngër
Vetë. E, Drekën, me Mikun e Shtëpisë
Darkën, patjetër me armikun e pabesë.
Nata e Sotshme, nuk do Hënë mbi Mal
Po, Diell. Edhe, atë: Majë Maleve…
(Kopilin ua lë pas dere)
Dhe, mezi dola nga Parajsa “muslimane”:
Ferri, ku e kisha varros përsëgjalli Veten.
Punemadhe, kush është Kalosh Ҫeliku
Që, atë ditë bëri problem në “Bit-Pazar”:
Rrugaç. Kurvar, Shkrimtar. Poet, Rrebel
Padyshim, edhe, “mik” i partive politike?!
Megjithatë, Është: Kalosh Ҫeliku. Rrebeli
Që, Sot haptas: Kopilin, ua lë pas dere.
Dhe, e kalon Natën me Gratë besnike.
Edhe, Ky është: Kalosh Ҫeliku – Rrebeli
Që, Sot: Haptas, Kopilin ua lë pas dere…
(Poeti që nuk është djegur në Zjarr
nuk e di se çka është Zjarri)
Poeti. Që, nuk është djegur në Zjarr
Ende. nuk e di, se: Ҫka. është Zjarri.
Nuk, e di, se: Ҫka, është Zjarri…
(Dita e arratisur
Sot nuk do Hënë)
Dita e arrrrtisur, Sot nuk do Hënë
Po, Diell me rreze, majë maleve!
Edhe, atë: mëngjesin, pasi e kemi hëngër
Vetë. E, Drekën, me Mikun e Shtëpisë
Darkën , patjetër me armikun e pabesë.
Dita e Sotshme, nuk do Hënë mbi Mal
Po, Diell. Edhe, atë: Herët, Majë Maleve…
(Gruaja besnike)
I dëbova armiqtë rreth Meje. Edhe Miken
Vetëm Poezinë nuk mund ta përzë. Nuk ikë.
Është, Grua besnike. E do Burrin…
(Nga Libri me poezi: BURRI GRAVE).
