I dënuar nga dy regjime, 3 vjet heqje lirie vuajti në Jugosllavi, por 8 vjet në Shqipërinë komuniste
Nga Kastriot Dervishi
Hysen Sali Bukoshi (1.1.1941-13.11.2026), ishte ndër dëshmitarët e fundit të historive të vuajtjes së shqiptarëve nga Kosova nga regjimi komunist i Shqipërisë. Ai u nda nga jeta pak ditë më parë në Prizren. Me profesion arsimtar. U dënua për arsye politike dy herë, në Jugosllavi vuajti 3 vjet, ndërsa në Shqipëri 8 vjet heqje lirie. Si shumë shqiptarë të Kosovës kujtoi se do gjente mrekullinë në Shqipërinë komuniste. Në një intervistë për ISKK-në pak kohë para vdekje?, thotë:
“Asgjë nuk dinim. E dinim se ishte vendi ynë dhe duhej të ishte i mirë. Shihnim nga televizori që në Shqipëri jetohej mirë sepse ashtu bëhej propaganda. Ne në Kosovë mezi prisnim të vinte ora që të hapnim televizorin dhe të shihnim ç’bëhej në Shqipëri”.
U arrestua më 5.9.1975. U akuzua në bazë të nenit 73/1 të Kodit Penal. Në gjyq mohoi akuzat që iu bënë për agjitacion e propagandë dhe tha se ishin dëshmi të rreme. Gjykata e Rrethit Berat, me vendimin nr.220, datë 27.12.1975 e deklaroi fajtor dhe e dënoi me 10 vjet heqje lirie. U lirua më 27.7.1983.
