POLITIKA E LISTËS SË STUDENTËVE NË NJË VIJË ME POLITIKËN E PARAARDHËSIT TË TYRE – VUÇIQIT
Nga Prof. Xhelal Zejneli
Politika e jashtme dhe rajonale e Listës së studentëve në Serbi, krahasuar me politikën klero-fashiste të Aleksandar Vuçiqit, nuk ka kurrfarë dallimi.
* * *
Lidhur me asnjanësinë ushtarake dhe marrëdhëniet ndërkombëtare, në dokumentin e publikuar thuhet:
Serbia do të ruajë asnjanësinë ushtarake;
nuk do të vendosë sanksione ndaj Rusisë;
do të vazhdojë të zhvillojë marrëdhënie me Bashkimin Evropian, me SHBA-në dhe me Kinën.
Lidhur me Kosovën, në dokumentin e publikuar thuhet: “Në përputhje me Kushtetutën, Kosova është pjesë e Serbisë”,
Kur është fjala për Bosnjën dhe Hercegovinën, theksohet ruajtja e pozitës kushtetuese, e kompetencave dhe e pronës së Republikës Serbe (Republikës Srpska).
* * *
Qeveria e Listës së Studentëve parashikon reforma e diplomaci. Paralajmërohet eliminimi i partizimit të diplomacisë dhe nepotizmi në Ministrinë e Punëve të Jashtme, si dhe vendosja e kritereve të rrepta profesionale për emërimet në misionet diplomatike dhe konsullore.
