Ndue Ukaj: Kosova mundet pa Albin Kurtin, por nuk mundet pa Amerikën

0

Ndue Ukaj:

Deklarata e Albin Kurtit se “unë nuk mund t’i përfaqësoj Shtetet e Bashkuara të Amerikës, ambasadori amerikan dhe as sekretari i shtetit apo departamenti i shtetit nuk mund ta përfaqësojnë Kosovën” është deklaratë e mendësisë së barrikadave dhe izolimit; deklaratë e mendësisë bashibuzuke; deklaratë që vërtet tregon ç’mendësi të frikshme e çoroditëse përfaqëson lideri i parullave dhe dokrrave shterpe patriotike – që për dy dekada rresht epshëm ka treguar ç’ forcë tërbuese ka për t’ i urryer të tjerët dhe asnjëherë ç’ forcë ka për të dashtë vendin, njerëzit dhe miqtë e tij.

Kosova mundet pa Albin Kurtin, mundet edhe pa të gjitha forcat politike që sot ka në vend, por nuk mundet pa Amerikën, prandaj një deklaratë e tillë përtej fjalëve është skandaloze e qyqare.

Është një deklaratë që në këto kohë të turbullta globale rrezikon t’ i trazojë raportet tona me Amerikën, të cilat nuk janë raporte çfarëdolloji, por janë raporte jetike.

Një deklaratë e till është një goditje e frikshme në themelet e shtetit tonë, të cilat i ka vendosë më shumë se kushdo tjetër Amerika, madje me shumë kujdes e dashuri se krejt parullat shterpe patriotike që gëlonin ndër ne.

Kjo deklaratë politike në esnecë shpreh dëshirat e pastra ideoligjike të partisë që qeverisë sot me vendin – e që shquhet pastërtisht për mendësi tipike enveriste: të bunkerave dhe izolimit nga rreziku imperialist perëndimor.

Por kam fort i bindur se kjo mendësi s’ ka të bëjë asgjë me dëshirat politike të popullit të Kosovës dhe as nuk shpreh interesat politike të popullit të Kosovës.

Leave a Reply

Your email address will not be published. Required fields are marked *

error

Nese e pelqyet ket artikull? Ju lutemi përhapni fjalën :)

Follow by Email
YouTube
YouTube
Tiktok