Ndue Ukaj: Gonxhja jonë i sfidoi të gjitha llojet e kujfijve
Ndue Ukaj:
Nëna Terezë përgjatë jetës së saj tokësore e valëviti flamurin më të bukur që ekziston në botë: atë të dashurisë njerëzore, të mbushur me mirësi dhe bamirësi, pa harta e pa kufij.
Sepse, ajo ishte zemërmadhe e në të
gjetën strhë dhembjet e vuajtjet më të skajshme njerëzore; ishte një humaniste pa një të përafërt përreth saj, për çka u nderua me vlerësime e çmime ndërkombëtare, fitoi Çmimin Nobel për Paqe, la
pas vete një trashëgimi poetike tepër mbresënëse- aq sa Ali Podrimja thoshte se ajo ishte dashtë ta fitonte Çmimin Nobel për Letërsi, ishte pedagoge dhe veprimtare e palodhshme dhe e palëkundëshme në misionin e saj që t’iu ndihmonte të varfërve e të nëpërkëmburëve.
Pra, Gonxhja jonë i sfidoi të gjitha llojet e kujfijve që ekzistojnë në Tokë dhe për këtë u nderua anë e kënd botës.
Por, sa e nderojmë ne, ose më saktë, sa përvetësojmë ne prej trashëgimisë së saj shembullore e shembullmire?
Le të kujtojmë se dita e sotme është Dita Ndërkombëtare e Bamirësisë, të cilën e ka shpallë Asambleja e Përgjithshme e Kombeve të Bashkuara përmes një rezolute dhe në nderim të veprës së Nënës Terezë.
Le të kujtojmë se ndikimi i saj për lirinë dhe pavarësinë tonë ishte i jashtëzakonshëm, gjë të cilën e kanë pohuar personalitete si Bill Klintoni.
Le të kujtojmë se filozofia paqësore e viteve të 90-ta e kishte referencë tepër të rëndësishme në mos themelore veprimtarinë e saj.
E çfarë bëjmë ne për të, sa dhe si e kujtohmë në shkollat tona, çfarë bëjmë për njohjejn e saj në dimensionet e saja të plota?
Me gjasë fare pak, kënaqemi, me njëlloj dashurie deklarative e pa përmbajtje, siç i kemi shumicën e punëve, sepse duket se ngarkesat e përçamjes së brendëshme na verbojnë dhe ata kufijtë që Nënë Tereza i bëri të padukshëm, neve na dalin përpara si mure dhe na pengojnë.
Shqipëria e ka shpallë festë zyrtare 5 shtatorin, por Kosova jo.
Po, është turp që në shkollat tona flitet pak ose aspak për këtë shenjtreshë, po, është turp pse Kosova s’e ka ndjekë shembullin e Shqipërisë që ta shpallë ditën e sotme festë zyrtare.
