KLEVIS  KASO-VIZIONAR SHUMËDIMENSIONAL I PËRKUSHTUAR PËR VLORËN

Nga Albert Z. ZHOLI

Klevis Kasoka lindur në qytetin e Vlorës më 25 shtator 1987, në një familje të vjetër vlonjate patriotike.

Qysh në moshë të vogël është dalluar për pasionin e tij të madh për sportin, ndërkohë që ka ndjekur me përkushtim dhe studimet.

I diplomuar në Fakultetin Ekonomik me rezultate të larta, vendosi t’i dedikohej basketbollit, duke u angazhuar në ligën profesionale ku shkëlqeu për më shumë se 14 vite. Klevis ka qenë kapiten i ekipit të Flamurtarit deri në përfundim të karrierës së tij në vitin 2016. Pasioni i tij për sportin janë ndjekur paralelisht me vizionin për biznes duke krijuar “Novacarpet” një brand kombëtar për shitjen e tapeteve me prejardhje nga Lindja e Mesme. Duke qenë pjesëmarrës në dhjetëra panaire në të gjithë botën, ai ka sjellë në Shqipëri eksperienca të ndryshme për arredimin e hoteleve, ambientet e jashtme, këndet e lojërave, etj.

Në vitin 2017 z. Kaso u emërua në Drejtorinë Rajonale Të transportit Rrugor për të mbuluar financat e këtij institucioni, i cili ka përjetuar një periudhë të rëndësishme ndryshimesh. Ka thelluar më tej eksperiencën e tij në fushën financiare dhe audituese duke iu bashkuar Drejtorisë Rajonale të Tatimeve në sektorin e Hetimit Tatimor.

Duke spikatur për aftësitë e tij njohëse, organizuese mori drejtimin e Klubit Shumësportesh Flamurtari. Puna e evidentuar e tij risolli zhvillimin e sportit në qytetin e Vlorës. Arriti të menaxhojë klubin në mënyrë të shkëlqyer, si një vizionar i vërtetë dhe rritja e aktiviteteve sportive gjallëruan jetën sportive në qytet. U arrit përfaqësimi i klubit si në vend ashtu dhe në arenën ndërkombëtare.

I kish mundësinë të largohej nga vendi, në këto vite tranzicion por jo. Për çdo të ri mendoj se virtyti i parë është devocioni kundrejt Atdheut, thotë Klevisi. Në vitin 2023 z. Kaso u emërua nënkryetar i Bashkisë Vlorë  dhe si një sfidë bashkëkohore kulmoi me përfaqësimin dinjitoz dhe me promovimin e Vlorës si Kryeqyteti Europian i Sportit. Flet rrjedhshëm anglisht dhe italisht.

Merr pjesë aktivisht në veprimtaritë tërësisht në qytet, por përqendrohet në rolin e socialistëve për tu gjendur më pranë qytetarëve për zgjidhje problemesh .Prania e tij në radhët e Partisë Socialiste është në një farë mënyre bindja e tij për një progres masiv. Duke i bërë pyetjen përse u pozicionua nga e majta ndërsa i ati ka qenë një nga anëtarët aktiv të Partisë Demokratike me thotë:

-Kam mendimin se ne jo rrallë bindemi vet nga arsyet bashkëkohore të detajuara në projektet tona për zhvillim se sa nga ato që na paraqesin të tjerët.Të veprosh e jetosh në kundërshtim me arsyet e tua vërtet është një gjendje e padurueshme.

-Përse mendon kështu?

-Sepse ajo që mendon u përket të gjithëve dhe ajo që ndjen dhe percepton tregon se çfarë jemi ne.

– Kush është opinioni juaj për këtë situatë politike të krijuar në vendin tonë? A i shërben ajo progresit?

– Jam i bindur se gjithkush shikon se çfarë është bërë në këta vite tranzicion dhe çfarë kanë përcjellë liderët politikë në ekonomi, mbrojtje, kulturë, politikën e brendshme dhe të jashtme, në jetën Parlamentare dhe të përditshme. Ka hapa, nuk mund të mohojmë por është koha që duhet të arsyetojmë me qetësi. E në rrethanat që po zhvillohen zgjedhjet parlamentare në vend janë qartësuar disa momente pas të cilave unë them: kush nuk do të arsyetojë është fanatik dhe kush nuk guxon të arsyetojë bëhet skllav i të tjerëve. Unë jam njeri i lirë, i rritur dhe edukuar nga një familje e ndershme qytetare dhe mbaj ekuilibër për të parë obsione të ndryshme, të reja, të domosdoshme, prandaj dëshiroj të bëhem pjesë e politikës dhe të jap gjithë potencialin tim njohës dhe praktik. Njerëzit besojnë më lehtë atë që duan  dhe mesa ndjej tek vetja prandaj zgjodha këtë rrugë.

-Çfarë ndryshime do sjellësh me kontributin tënd në qytetin e lindjes dhe ku jeton me familjen tënde?

-Çdo dështim të mëson diçka nëse do të mësosh. Dështimet për probleme bazë nëse dëshiron t’i kapërcesh kërkojnë njohuri, vullnet dhe guxim. Në këtë mënyrë vetvetiu largoj gjërat e padobishme dhe shikoj se si mund të arrihet përmirësimi. Asgjë nuk mund të dimë ta duam nëse më parë nuk kemi analizuar përse duhet hedhur një hap në jetë. Nga një filozof i njohur kam mësuar se dituria dhe arsyeja flasin, injoranca dhe padrejtësia ulërijnë…prandaj duhet të jesh i thellë me qartësi objektivash dhe jo me fjalë të përgjithshme të errëta.

-Jemi të ndërgjegjshëm që në fushën e drejtësisë ka anësira, probleme që mbeten pa zgjidhur apo dhe që marrin ngjyrim politik. Mendoj se dhe ju e kini këtë mendim. Kush është kontributi që mendoni të jepni në këtë fushë?

– Di një gjë që nuk mund të ketë asgjë të ndershme në jetë nëse ajo nuk përputhet me drejtësinë. Kushdo që ka me vete drejtësinë ka të drejtë të jetë krenar. Kjo është një rrugë që kërkon kthjellin ligjor dhe qytetar. Padrejtësia e vret shpirtërisht njeriun dhe nuk e lë të ketë besim për asgjë. Të jesh i mirë me fjalë të bukura është e lehtë, e vështirë është të jesh i drejtë. E që të jesh i drejtë duhet të mbështetësh kauzën tënde të ligjshme të njëllojtë për secilin, pa anësi partiake, familjaritete dhe klane…

– Diçka që stonon dhe tek politikanët është mungesa e etikës gjë që ka qenë gjithnjë dhe më e dukshme… Si e mendon këtë?

– Di të them që vet jeta është një edukim i vazhdueshëm. Njeriu duhet të edukojë më parë veten pastaj të marrë guximin të edukojë të tjerët. Mendoj se në edukimin e qytetarinë e njeriut ndikojnë shumë arti dhe shkenca. Janë dy shtylla të cilat i ndjek me pasion dhe sigurisht në të ardhmen dhe më tepër.

-Ju jini model dhe në familje. Kini për të thënë diçka në thellimin e punës qoftë dhe si temë të duhur në jetën sociale dhe shoqërore?

-Po dhe ky është një problem që në këta vite tranzicioni është i dukshëm mes brezash. Por, ajo që mbetet të them është se kush është i mirë në familje është dhe një qytetar i mirë. Për çdo njeri shtëpia është vendi i qetësisë, i strehimit dhe i trajtimit të jetës me gëzimet dhe hidhërimet që ka. Le ta bëjmë familjen sa më të gëzueshme duke mbajtur raportet e drejta dhe mbështetur njëri tjetrin. Respekti ndaj prindërve brenda familjes mbetet primari.

– A keni menduar se si mund të bëhet dhe më e mirë jeta në vendin tonë, sepse në këtë mënyrë askush nuk ka pse emigron, kur kemi një jetë të sigurt dhe të qetë.

-Njeriu i mirë dhe i ndershëm nuk vepron kurrë tinëzisht. Ta kërkojmë mirësinë brenda vetes, se në këtë mënyrë ajo nuk shteron kurrë. Por, duhet rritur besimi tek e mira. Kjo kërkon qytetari, ndershmëri, gatishmëri për të ndihmuar njerëz në nevojë. Forca më e madhe qëndron tek një zemër e pafajshme dhe duke fshehur të metat tona nuk mund të përmirësohemi. Më mirë të jemi të kursyer në premtime me qëllim që t’i mbajmë ato, kështu dhe besimi dhe e drejta rriten.

“Shpresoj t’ju shohim me këtë vizion kaq të pastër dhe shumëdimensional në rritje drejt rrugës në politikë. Njerëz si ju i duhen vendit në zhvillim, jetës në progres dhe çdo familjeje shqiptare”.