Asnjë pakicë në Kosovë nuk është e pikur nga qielli – pakicat e Kosovës kanë më së shumti të drejta se sa çdo vend i Europës

Nga Gjon Keka

Kosova tani po hynë në një fushë të re dhe komplekse në procesin e bisedimeve për normalizmin dhe mbi të gjitha për pranimin e realitetit të Kosovës së pavaruar nga ana e Serbisë, realitet ky i forcuar edhe me anë të vendimit të gjykatës së GJND-së.

Tani kur bota gjendet në mjegullën e saj të luftërave e krizave si dhe përpjekjeve për hedhjen e vijës ndarëse të një rendi të Ri ndërkombëtar në botë, është aktualizuar edhe porblemi i Kosovës, dhe i rregullimit të raporteve ndërshtetërore në kuadër të një noramlizimi e njohje në mes të Kosovës dhe Seribsë.

Megjithkëtë ajo që tani po pengon procesin e nomalizmit është rikthimi i Temës së Asociacionit , temë kjo që nuk do të duhej të ekzistonte , pasiqë Kosova dhe pakicat e saj kanë më së shumti të drejta se ndonjë pakicë në vendet e unionit europian ,madje pakicat kanë të drejta më shumë se vetë pakicat në ShBA.

Është e kuptueshme se kërkesa e ShBA.së për Asociacionin,pasi ajo dëshiron që problemin e Kosovës ta heq sa më parë nga tryeza e problemve duke shtyrë atë drejt një marrëveshje të normalizimit në mes të Kosovës dhe Serbisë. Edhe pse Asociacioni është një gabim i ekipit të Kosovës gjatë bisedimeve dhe marrëveshjeve që janë bërë më herët në bisedimet e Brukselit,sepse në rrethana të tilla atëherë nuk është dashur të pranohet një kërkesë e tillë për një asociacion të tillë ,duke ditur se të drejtat e pakicave në Kosovës janë më të mëdha në Europë, madje një organizmi i komunave të pakicave brenda Asociacionit të komunave të Kosovës do të ishte i mundur ama jo një asociacion që favorizon një pakicë përtej mundësisë së natyrshme të kushtetutshmërisë dhe juridiksionit të republikës së Kosovës.

Pra, nga kjo asociacioni është nje gabim që është bërë nga pranimi i kësaj teme në bisedimet e mëparshme ,sepse po të kishte pak zotësi e diplomaci në ato bisedime Kosova si palë nuk do të pranonte një asociacion të tillë,por do të vendoste vijën e kuqe duke e bllokuar çdo kërkesë për asociacion si nga pala serbe ashtu edhe nga akterët ndërkombëtarë ndërmjetës në ato bisedime. Me një fjalë asociacioni nuk do të duhej të ishte temë e bisedimeve në Bruksel,pasiqë të drejtat e pakicave në Kosovë janë të rregulluar me ligj dhe kushteutë.

Gabimi është bërë që është pranuar asociacioni, më herët në bisedime,tani kërkesa e shtuar e ShBA-së është që ajo të implementohet, për ta përshpjetuar arritjen e marrëveshjes, por para se të pranohet kjo kërkesë e tillë ,mendoj se se qeveria e Kryeministrit Kurti duhet të kërkojë me ngulmë që ai asociacion i gabuar nga bisedimet e kaluara në Bruksel,nuk e deformon sovranitetin dhe kushtetutën e jurdiksionin e republikës së Kosovës.

Krejt në fund ,kryeministri Kurti i cili nuk ka asnjë fajë në këtë gjë pasi ai nuk ka biseduar dhe as nuk ka nënshkruar asgjë në lidhje me asociacionin duhet të kërkojë garanci të forta nga ShBA dhe BE duke nxerrë një vendim apo letër e besës së përbashkët të nënshkruar në mes Qeverisë së republikës së Kosovës ,ShBA-së dhe BE-së se ky asociacion i gabuar e i nënshkruar në Bruksel më parë nuk do të ketë kompetenca dhe as derë të hapur për ta prishur rendin kushtetues,juridik dhe të sovranitetit të vendit, pra nuk duhet të ketë kompetenca që asociacioni të shndërrohet në „mollë sherri“ dhe në një „mish i huaj“ në trupin e republikës së Kosovës.[