Shqiptarët e Palmers Green – Biznese, Traditë dhe Komunitet

Palmers Green veriu i Londres eshtë bërë një shtëpi e dytë për shumë familje dhe sipërmarrës shqiptarë. Në këtë video, bëjmë një shëtitje në zonë për të zbuluar bizneset shqiptare që i shërbejnë komunitetit me pasion, punë të palodhur dhe krenari. Nga ushqimi dhe mikpritja, te shërbimet lokale, këto biznese janë më shumë sesa thjesht dyqane – ato janë vende ku kultura, tradita dhe komuniteti bashkohen.

Ndalesa jonë e parë na çon te restoranti Visi’s Authentic Albanian Restaurant, i vendosur në Palmers Green 414-416 Green Lanes, London N13 5XG një vend ku tradita, shija dhe mikpritja bashkohen. Ky restorant është kthyer në një nga të preferuarit e komunitetit, duke ofruar gatime autentike shqiptare të përgatitura me kujdes dhe krenari.

Nga byrekët e shijshëm te brinjët e buta , ushqimi këtu njihet për shijet e vërteta dhe mikpritja bujare. Çdo pjatë pasqyron trashëgiminë e pasur të kuzhinës shqiptare.

Ajo që e bën vërtet të veçantë Visi’s është atmosfera e ngrohtë dhe mikpritëse. Restoranti është i pastër, familjar dhe i konceptuar për t’i bërë të gjithë të ndihen si në shtëpi. Stafi është i sjellshëm, profesional dhe gjithmonë i gatshëm për t’i shërbyer mysafirëve me përkushtim.

Qoftë për një drekë familjare apo një takim me miqtë, Visi’s është një vend i mrekullueshëm për të përjetuar shijen e vërtetë të kuzhinës shqiptare në veri te Londres.

Ndalesa jonë tjetër na çon te Taho Barbers, i vendosur në Green Lanes, North London. Ky nuk është thjesht një berber – është një vend ku stili, precizioni dhe atmosfera e relaksuar bashkohen.

Në Taho Barbers, klientët mund të shijojnë prerje ose rregullime flokësh, skin fades të përsosura dhe kujdes të veçantë për mjekrën. Qoftë për një prerje të shpejtë apo një trajtim të plotë grooming, ekipi siguron që çdo vizitë të jetë profesionale, e ngrohtë dhe komode.

Me një atmosferë mikpritëse dhe vëmendje ndaj detajeve, Taho Barbers është bërë një vend i besuar për komunitetin, duke ofruar kujdes ekspert në një ambient të relaksuar dhe miqësor.

Ndalesa jonë tjetër është Friends Lounge, këtu në Palmers Green – një vend i ngrohtë dhe mikpritës, ku njerëzit mblidhen për të relaksuar, për të shijuar ushqim të mirë dhe për të kaluar kohë me familjen dhe miqtë.

Në Friends Lounge, atmosfera është miqësore dhe e gjallë, duke e bërë vendin të përshtatshëm për të biseduar, për një kafe apo një pije të thjeshtë. Stafi është i kujdesshëm dhe siguron që çdo mysafir të ndihet si në shtëpi.

Qoftë për të takuar miq, për të festuar një rast të vogël, apo thjesht për të pushuar, Friends Lounge është një nga vendet e preferuara të komunitetit në Palmers Green

Ndalesa jonë e radhës është Our Print Shop, një dyqan printimi i personalizuar që ne vetë e zotërojmë dhe e menaxhojmë me pasion. Këtu, idetë tuaja marrin jetë përmes printimit kreativ dhe shërbimeve të plota për biznese dhe familje.

Our Print Shop ofron bluza moderne dhe me stil, të personalizuara për të pasqyruar markën dhe personalitetin tuaj. Nga veshjet e punës për biznese, te veshjet për shtëpi dhe evente familjare, çdo detaj realizohet me kujdes.

Përveç printimit, ofrojmë edhe shërbime të tjera si regjistrim biznesi, krijim faqeje interneti, dizajn logoje, karta biznesi, fletëpalosje, menu, si dhe reklama për furgonë dhe tabela dyqanesh.

Gjithashtu, realizojmë dhurata të personalizuara si gota, çelësa dhe produkte të tjera për të gjithë familjen.

Ju e dëshironi – ne e printojmë.

Pas një dite të gjatë dhe të lodhshme xhirimesh, kishim edhe vajzën me vete, e cila e dashuron shumë fotografinë. Vendosëm të ndaleshim për pak çlodhje në Broomfield Park. Edhe pse ishte një ndalesë e shkurtër, bëmë një shëtitje të bukur në park, duke shijuar qetësinë, gjelbërimin dhe momentet e thjeshta familjare që e bënë ditën edhe më të veçantë

Meqenëse u errësua shumë shpejt, për shkak të ditëve të shkurtra, nuk patëm mundësi t’i vizitonim të gjitha lokalet nga afër. Megjithatë, u munduam të xhironim nga larg edhe disa biznese të tjera shqiptare që janë këtu dhe operojnë prej vitesh, si Troy’s Lounge and Bar, Proper Pizza, Sweet Life Coffee dhe Broomfield Coffee Bar – të gjitha restorante dhe kafene shqiptare që ofrojnë ushqim dhe kafe për komunitetin

Shpresojmë që një ditë tjetër të kemi mundësi të vijmë dhe të xhirojmë nga brenda, për të treguar më shumë nga këto biznese të mrekullueshme shqiptare që i japin jetë komunitetit në Palmers Green. Faleminderit që na ndoqët në këtë shëtitje mes shijeve, stilit dhe mikpritjes shqiptare!