Kryeministri ende nuk ka dalë nga burgu i Serbisë!
Nga Kimete Berisha
- Albin Kurti.
Sa më i keq për Amerikën, aq më i mirë për OKB-në.
Sapo e hetoi se qeveria Kurti po bie çuditshëm shpejt dhe papritur…
Nuno i UNDP-së e hartoi shpejt e shpejt një ‘hulumtim’ ku hesapi i doli që mbi 51 për qind e shqiptarëve janë të kënaqur me qeverinë antiamerkane.
– Nuk është e vërtetë.
Nuno Queirós, nuk e kryen punën e vet, që është zhdukja e varfërisë.
Misioni i UNDP-së është pikë së pari zhdukja e varfërisë.
Aq shumë punon Nuno, sa që me ndihmën e tij Kosova u bë vendi më i varfër në Evropë.
Pasi që nuk e zhduk varfërinë, por e frymëzon, Nuno jeton si vojvodë në shtetin më të varfër…
shëtit, luan futboll, endet kot, e shikon qiellin, frymëzohet nga ‘fjalimet’ e Jahjagës, vegjeton dhe nuk e tregon të vërtetën.
– Është e palogjikshme dhe joshkencore që populli më i varfër në Evropë të jetë i kënaqur me mjerimin e vetë.
- Ndërkohë që kryeministri Kurti porosit hulumtime në favor të tij, RTK-së i doli duqi.
Gazetarët e RTK-së po duken si të liruar nga një çmendinë, ku s’dihet më kush e thotë të vërtetën e kush gënjen.
– Rilind Gërvalla, duke dashur ta mbrojë Albin Kurtin nga gazetarët, e ka turpëruar, sepse e ka zbuluar si një të mjerë që ka frikë prej hijes së vet.
Edhe shprehja e fytyrës së Rilindit u bë e frikshme, si ai lugati që e ka humbur rrugën në dritë!
- Çfarë ‘krimesh’ ka bërë ky zotëri që ka kaq frikë nga gazetarët!
As krejt gazetarët bashkë nuk mund t’ia bëjnë sherrin Albin Kurtit sa po ia bën sherrin frika e vet…
– Qeverisja Kurti është paranojake, e pabesë, skizofrene, si ato shtrigat që dëgjojnë pas dere se çfarë po flitet për ta.
Kurti sheh armiq gjithkund, ndërsa armiku i tij më i madh është frika e tij.
E për frikën s’ka ilaç.
- Albin Kurti (autocitat), me mend, ende
nuk ka dalë nga burgu i Serbisë.
– S’di pse s’del, pse tutët, se Serbia e ka falur, në kohën kur të tjerët i ka vrarë.
- E kanë bërë AKI-në mejjhane, ku i shfrytëzojnë agjentët për t’i shikuar njerëzit rreth ushkurit.
Kush me kë e bën, dhe pse nuk e bën!
– Nuk ka institucion që nuk ka degraduar.
Nëse je dashuruar dhe dyshon në moralin e të dashurës, nëse e njeh dikë në inteligjencë, ta heq merakun…
T’ju hyn me rend messenger-ve, e viber-ve të së dashurës tënde….krejt e merr vesh kujt çfarë i ke thënë, e kush çfarë të
ka thënë…
– Qeveria Kurti po i shfrytëzon Institucionet inteligjente për të bërë dosje të rrejshme për armiq të imagjinuar.
- As Enver Hoxha s’ka shkuar kaq larg, s’di a ka shkuar!
Sepse, Enver Hoxha ka kërkuar eliminimin e armiqve të tij real, e Albin Kurti po krijon armiq të rremë!
– Dhe kështu po nxit vëllavrasje, me shpresën që shqiptarët e ndershëm të tij (hatri i tij) do të çohen në revoltë kundër shqiptarëve të pandershëm, që me dosje të rrejshme i ka krijuar ky.
– Pse kështu?
Çfarë zori ka!
Kush po e shantazhon?
Trego!
Nëse tregon, populli ia zgjedh problemin, e flijohet për të, veç sa të kënaqen edhe pak, i them, duro.
- Xhelal Sveçlën e kanë sulmuar serbët në Ujman, ka ikur me barkë i tmerruar, duke qarë e duke bërtitur ‘O, ku-ku’ , ndërsa shqiptarëve u thotë ‘shkoni ju në Ujman, lahuni, lirisht’.
Pra, mezi ç’pret të bëhet nami e të lahet
Ujmani me gjak!
Se tjetër shpjegim nuk ka.
- Qeveria Kurti po lyp luftë.
Por luftë nuk po bëhet veç për inat të tyre.
I shpallin hero – viktimat, në kohën kur heroizmit i ka dalë boja.
I joshin policët të sakrifikohen për asgjë.
– Ama, shqiptarët janë mbushur sherr, tash duan të jetojnë, e jo ata të vdesin që ti të jetosh!
– Gruaja e policit të vrarë, Enver Zymberit, është e papunë, e vetmuar, kush nuk ja ka hapur derën për ta pyetur ‘a po mund bëhesh idare’, ndërsa Albulena Haxhiu, e shqeu, me ata thonjtë e gjatë, gjethen e kurorës së Enver Zymberit (të blerë me pare të shtetit).
– Një qeveri që i shfrytëzon viktimat për të mbetur gjallë.
A ka trishtim më të madh se ky!
Janë dashamirë të vdekjes, prandaj veç të vdekurit për ta janë ‘të mirë’!
- Donald Trump tha se ‘refugjatët janë kanibalë, si tek filmi ‘The Silence of the Lambs’, ku Hannibal Lecter i hanë viktimat e tij…
– ‘Refugjatët do t’ju hanë, ty të parën do të të hanë’, i tha njërës, që po e dëgjonte nga rreshti i parë’.
– I pashembullt dhe i pabesueshëm tërbimi i një amerikani që gruan e tij e ka refugjate…dhe sidomos i atyre që vullnetarisht çmenden bashkë me të.
– Gjysma e botës, sipas statistikave, vuan nga sëmundet mendore, e politika, pushteti, u bë magnet për psikopatët e tërbuar!
P.S. Kryeministri s’është mirë.
Është i tmerruar nga frika.
Krejt bota e kanë hetuar, prandaj e kanë izoluar.
Njeriu nornal nuk krijon armiq me dosje të rrejshme për t’i bërë ‘mish për top’.
– Qetësohu.
Se u çmende.
Edhe sirenës së automjetit ndalja pak volumin kur kalon midis qendrës së Prishtinës, se u bëre gaz.
– Merr mësim nga Presidentja!
Ajo po të mund me elegancë, pa parti, pa Nunon, pa AKI-në, pa RTK-në, vetëm, me vetëbesimin e saj!
Për besë, po të mund.
Po a ka mbetur kush pa e mundur ajo!
https://www.facebook.com/kimete.berisha
