Ftesë publike Lumir Abdixhikut: Ju mirëpres në debat televiziv!
Shkruan: Florim Zeqa
I nderuari kryetar në largim i LDK-së, z. Lumir Abdixhiku, e mirëprita deklaratën tuaj në mbrëmjen e 28 dhjetorit 2025, përmes së cilës e pranove burrërisht, por edhe me trishtim humbjen, duke e paralajmëruar dorëheqjen si akt moral për humbjen katastrofale të partisë në zgjedhje.
Burrat e mbajnë fjalën
Duke besuar në fjalën e dhënë të një intelektuali, në premtimin e një lideri partiakë, unë Florim Zeqa, më 2 janar 2026 e shpalla zyrtarisht dhe publikisht kandidaturën time për kryetar të LDK-së!
Siq jeni në dijeni i nderuari Lumir, më 5 janar, në ora 10 e 42 minuta, kandidaturën time ua përcjella edhe në e-mail adresën tuaj zyrtare dhe në e-mailin e asistentes tuaj!
Mirëpo, deri në këtë moment asnjë përgjigje nga ana e juaj!
Nuk i kam të çarta arsyet e injorimit me përgjigje, por, kësaj radhe është dashur që ta trajtoni më seriozisht kërkesën time sesa herave të tjera, pasi jam i pari dhe i vetmi kandidat deri më tani për Kryetar të LDK-së!
Injorimi në heshtje dhe anashkalimi nga ana e juaj dhe e kryesisë së LDK-së nuk më z’mbrapsin nga qëllimi fisnik dhe ideali jetësorë për ringritjen e LDK-së!
Përkundrazi, (mos) veprimet e juaja më motivojnë dhe forcojnë akoma më shumë!
Meqenëse “reflektimi” i juaj është duke u prolonguar qëllimshëm derisa të përgatitet opinioni i brendshëm për vijimësinë tuaj dhe të struktures drejtuese (dështuese) në LDK, unë, Florim Zeqa nga Italia ju bëjë ftesë publike për një debat të hapur televiziv, në cilin do medium që ju e preferoni, në mënyrë që elektorati i LDK-së dhe opinioni i gjërë publik të binden se cili nga ne të dy jemi më i denjë dhe më i duhur për drejtimin e partisë pas katandisjes në zgjedhje shkaku i ndëshkimit që morët nga elektorati!
Se a do të jeni ju kryetar i ardhshëm i LDK-së më 13 % të votave apo unë me 57 % -in e synuar të votave të elektoratit pasiv, u mbetet qytetarëve të vendit që të vendosin për këtë!
Por, Ju i nderuari Lumir Abdixhiku me 13 % të votave nuk e keni legjitimitetin qytetar për të udhëhequr një parti namëmadhe dhe vlerëmadhe siq është LDK-ja shtetformuese dhe shtetndërtuese në kohën e Ibrahim Rugovës!
Le t’i ballafaqojmë publikisht idetë dhe programet politike për ngritjen dhe rikthimin e LDK-së ashtu siq e duan qytetarët e Kosovës!
Jam thellësisht i bindur se pas debatit televiziv, do të bindeni përfundimisht për mbajtjen e fjalës së dhënë për reflektim (dorëhqeje)! Kurse elektorati do të bindet se kandidatura ime është alternativa më e mirë për ngritjen dhe kthimin e filozofisë politike rugoviane në LDK!
Ju mirëpres: Florim Zeqa, 11.01.2026
