Dy netë me kinemanë e Spanjës
Nga Albert Z. ZHOLI
Ambasada e Spanjës në bashkëpunim me shtëpinë Kinematografike Production Cinemania sjell për spektatorin e Tiranës në datat 3 dhe 4 Dhjetor aktivitetin Kinematografik : “Dy netë me kinemanë e Spanjës”. Salla e madhe Muzeu Kombëtar, Ora 19:00. Të premten 3 dhjetor, për të kremtuar Ditën Ndërkombëtare të Personave me Aftësi të Kufizuar, do të shfaqet filmi “Kampionët”, të regjizorit Javier Fesser. Të shtunën 4 dhjetor, në kuadër të Ditës Ndërkombëtare për Eliminimin e Dhunës ndaj Grave, do të shfaqet filmi “Dedektivet”, të regjizores Icíar Bollaín.
Filmi Spanjoll “ Kampionët” Marco Montes është një trajner basketbolli që punon si trajner i dytë i një skuadre të rëndësishme të ACB (liga kombëtare e basketbollit spanjoll), por në realitet ai është një njeri i djegur brenda vetes si në jetën profesionale ashtu edhe në atë personale. Pak më vonë Marko, tërësisht i dehur, përplas padashur makinën e tij me një makinë policie, duke u arrestuar. Në gjyq, gjyqtari detyron Markon të vendosë: të shkojë në burg për 2 vjet ose të kalojë 90 ditë duke bërë shërbime komunitare. Duke hezituar, Marco detyrohet të stërvitë një ekip basketbolli të quajtur “Los Amigos” (Miqtë) të formuar nga lojtarët me vështirësi në të mësuar. Filmi ka vlera humane dhe sigurisht do t’ju tërheqi në projeksionin e tij të parë. në Shqipëri. Mbremja e dyte filmi: “ Dedektivet “ Eva sapo është kthyer në punë pasi ka sjellë në jetë fëmijën e saj të dytë. Ajo nuk mund të mashtrojë me fëmijët, burrin e saj dhe detyrimet e saj të punës. Carmen është më me përvojë nga tre detektivët, por martesa e saj është gati të prishet. Inés sapo ka marrë zbulimin e saj të madh: asaj i duhet të hetojë vjedhjen e mallrave nga magazina e selisë shumëkombëshe nga dy punonjës, Manuel dhe një tjetër. Valbuena është veçanërisht i lumtur për punën e fundit: do të thotë kontakte të nivelit të lartë dhe 30,000 euro tarifa. Ambasada e Spanjës ka një bashkëpunim të gjatë me shtëpinë kinematografike “Production Cinemania” duke sjellë dhe promovuar në shqipëri vlerat më të mira të kinemasë Spanjolle.
