Author Topic: Tri netet qe tronditen Ledinen  (Read 603 times)

merbraha

  • Administrator
  • Newbie
  • *****
  • Posts: 41
    • View Profile
    • Email
Tri netet qe tronditen Ledinen
« on: March 07, 2008, 06:36:19 PM »
C'ndodhi pas nates kur regjisori Pali Kuke i beri oferten per te prezantuar Festivalin e muzikes se lehte. Pse braktisi ne keto tri jave projektet e Parisit. Dhe jo vetem ato. Ledina Celo zberthen shpirtin e saj aventuresk Zefina Hasani

Ia ka prishur gjumin e nates ky festival. Edhe ritmin e diteve te saj te zakonshme, ia coroditi keq, aq sa ndonjehere eshte arratisur nga gjithcka, eshte mbyllur ne dhomen e saj ku dhe ka shfyre stresin ne nje denese te mbytur. Gjurmet e se ciles, me nje grim te lehte i ka zhdukur shpejt e shpejt. Per t'u nisur pastaj fluturimthi me makinen e saj te vogel drejt puneve te mbetura, a thua, se ne ato minutat e pakta te asaj "arratisjeje" te vogel, nuk kishte ndodhur asgje. Ledina Celo ka mesuar prej kohesh ta ndrydhe brenda vetes ankthin, pasigurine, dhe ne syte e tjereve te shfaqet gjithnje e qete, e gatshme per t'i hyre nje aventure te re. Kete shtirje, me se shumti e ka pervetesuar jashte kufijve te Shqiperise, qe nga kohet kur ishte rreth te 18-ve. Qe nga kohet kur u perball me boten tjeter, ku do te niste te shijonte ndryshimet, te cilat sa e kenaqnin aq edhe e trembnin. Duke qene se ishin gjithmone te tjeret ata qe ia ndillnin ndodhite, pasi ajo kurre nuk do e merrte dot nje vendim, Celo nuk ndihej rehat. E megjithate, asnjehere nuk refuzonte, asnjehere nuk hezitonte, asnjehere nuk jepej e tera ne ate qe ndjente. Friken, gjithmone e mbante per veten dhe miqte e saj te ngushte. Nje Ledine e tille, e dyjezuar, ishte ne kohet e Gjermanise, ku nisi turnete e saj te pare si kengetare. E tille ishte dhe dy vjet te shkuara ne jeten e saj angleze, drejt se ciles e terhoqi dashuria e saj e madhe. Dhe ku do te mberthehej prej aventures se saj me te kendshme, pas dites fatlume, kur nje fotograf anglez do e ndalonte para deres se studios se tij, per ta futur brenda objektivit te aparatit. Dhe Celo u shnderrua ne nje fotomodele ne duart e tij, pa i zbrasur kurre ne syte e te huajit emocionet qe ndjente. Fshehje kjo qe zgjati deri ne ikjen e saj prej Aglise. Pas se ciles do te udhetonte drejt nje tjeter ndodhie. Parisi, i ndjellur serish nga te tjeret, do i ofronte nje tjeter mundesi, komedine muzikore. Per te cilen pregatiti shtirjen e rradhes. Producentet franceze nuk e nuhaten aspak pasigurine e vajzes qe nuk njihte frengjishten e qe megjithate synoi konkursin "Star-Akademy". Ne ate gare nuk arriti te hyje, [prej gjuhes sigurisht] por fitoi prej zerit te mrekullueshem dhe sigurise se stisur, nje kontrate pune me JM Production. Prej puneve te nisura me kete agjensi, e kane shkeputur disa here ofertat e ardhura nga Shqiperia. E fundit ishte Zana Cela ajo qe do e terhiqte Celon ne Katedralen e Tiranes, per koncertin e Nene Terezes. Ne ate nate falenderimesh per shenjtoren do te ngjizej dhe aventura e re e Ledina Celos. Regjisori i koncertit, Pali Kuke, nuhati se kengetarja do te qendronte bukur ne skenen e festivalit, si prezantuese kete here, ne krah te Adi Krastes. Serish Celo nuk refuzoi. Pas leshimit te "Po"-se ua fshehu serish syve te regjisorit, ankthin dhe pasigurine. Dhe nuk u dorezua deri ne fund. Guxuat te ishit dhe prezantuese.... Po sepse me pelqen te ndryshoj. Dhe perderisa ndjej se jam nje vajze qe kam lindur ne skene, besoj se mund te bej gjithcka qe i perket kesaj skene, mbi te cilen deri me tani vetem kam kenduar. Mjafton qe te guxoj e te tentoj ne castin kur me ofrojne nje mundesi. E mendoni ndonjehere se guximi i tepert mund t'ju sjelle nje deshtim te padeshiruar? Sigurisht qe e mendoj ndaj tregohem e kujdeshme qe te pranoj vetem ofertat serioze qe me vijne nga njerez serioz. Pali Kuke kishte kohe qe me ngacmonte per nje rol te tille prezantimi ne Telebingo. Por nuk bindesha ndoshta pse doja dicka me te madhe. Te permasave te festivalit? Jo nuk e kisha kaq te konkretizuar ne mendje deshiren time. Thjesht mendoja, por nderkohe me dukej e larget dita. Por qe erdhi gjithsesi? Erdhi kaq shpejt!!! Nuk i kam ndjere fare ditet qe kane kaluar qe nga nata kur Kuke me beri propozimin. Pas koncertit ne Katedrale une ika serish nga Tirana sepse kisha te programuar nga agjensia JM Production disa koncerte ne Itali dhe Paris. Kisha nderkohe dhe okupumin me provat per komedine muzikore "Mari Malden" ku une kam nje rol te dyte e kushtezuar kjo perzgjedhje nga mangesite qe une kam ne gjuhe. Pra punet ishin te shumta por ne asnje dite te vetme une nuk arrita te perqendrohesha e tera ne to, sepse mendja me kishte mbetur ne Tirane, tek festivali. S'me kishte ndodhur asnjehere keshtu, sepse gjithmone, pas ikjes nga Tirana i harroj te gjitha c'ka me ndodhin ketu. Edhe ofertat i shenoj ne axhenden time, por jo ne mendjen time. Kjo do te thote se oferta per te bere prezantuesen e festivalit ishte me joshese se gjithe te tjerat? Ishte me shume se kaq, nje oferte qe me ngarkoi me pergjegjesi te medha pasi e pranova, qe me shkaktoi stresin me te madh deri ne castin kur gjerat u saktesuan mire, kur u binda se edhe pse prezantuese une do isha serish brenda kornizave te Ledines kengetare. Bisedat dhe puna e gjate me Kuken ma lehtesuan shume situaten. E vec tij me ka ndihmuar shume dhe Zerina Kuke me qetesine dhe keshillat e saj. Po me Krasten c'mardhenie krijuat? Prej kohesh eshte thene se ai kerkon t'i "mbyse" me shkelqimin e tij partneret. Ju trembi ju kjo? Jo, jo. Perkundrazi Adi ka treguar te kunderten e kesaj qe thuhet ne mardhenie me mua. Ndihma qe ai me ka dhene qofte dhe me prezencen e tij me ka vlejtur me shume se cdo gje tjeter qe ne diten e pare te mberritjes ne Tirane. Kur erdhet? Tri jave me pare duke perfituar nga pezullimi per pak kohe i projekteve me JM Production. Ishte shansi qe me ndihmoi. I cili s'ju ka munguar ne gjithe keto kohe, apo jo!? Eshte e vertete qe nga janari i 2003-shit fatin e mbare e kam ndjere shume prane vetes. Ika ne Paris e nxitur nga im vella per te ndjekur nje konkurs te madh ne te cilin nuk hyra dot por gjithsesi nuk u merzita sepse u njoha me pianistin Franck Delasy i cili me ofroi nje kontrate pune. Nisa te studioja seriozisht gjuhen dhe me pas nisa provat me orekstren e regjistorva dy kenge me JM Production. Me pas erdhi komedia-muzikore dhe koncertet neper vende te ndryshme qe me mbajne te levizje gjithe kohes. Edhe tani pas ketij festivali, direkt pas mbylljes se tij, pra me 21 dhjetor une do iki serish nga Tirana. Per Krishtlindjet do jem ne Bejrut bashke me nje bande franceze. E perballoni dot nje ritem te tille pune? Une jam nje natyre qe nese nuk i bej punet shpejt, nuk arrije t'i bej me dot kurre. Nese dicka zvarritet, me del jashte kontrollit. Perpiqem me te gjitha forcat ta perballoj kete lloj ritmi. Sigurisht qe pasoja ka, madje edhe te renda ndonjehere. Shpesh e humbas perqendrimin dhe ndjej nevojen e domosdoshme qe te shfyj diku stresin. Ku, pershembull? Tek dy njerezit e mi me te dashur. Tek prinderit. Ata jane te vetmit qe perballojne me qetesi nervozizmin tim. Qe mesa duket kete here ka arritur kulmin... Po, eshte e vertete. Erdha e lodhur nga Parisi dhe nisa menjehere me provat e festivalit. Ne castin e pare ku u gjenda me letrat e skenarit ne duar, karriget e salles edhe pse bosh me frikesuan shume. Sa me shume afronte dita e hapjes se festivalit aq me shume stresohesha, por pa rene kurre ne syte e te tjereve. Ne France kam mesuar se duke e lene akthin ne shtepi ndjehesh me mire ne skene. Cfare ju ka mesuar tjeter Franca? Te vleresoj me shume veten time. Ketu isha mesuar edhe me fyerjet edhe me abuzimet aq sa ndonjehere nuk besoja se mund te arrija dicka ndersa jashte kufijve me kane konsideruar qe ne castin qe kane njohur aftesite e mia. Dhe me vjen mire qe fati me ka ndihmuar ne karrierren time artistike. Po ne jeten private ka ndodhur e njejta gje? Te gjithe e dime se jeta ka luhatjet e saj. Nese ne jeten artistike arrin t'i parashikosh disi keto luhatje, ne ate private eshte disi me e veshtire. Gjithsesi une jam perpjekur t'i perballoj me qetesi, sa here fati ka qene me mua. Ne keto kohe po mundohem te ruaj dashurine time, te ciles nuk i jam perkushtuar edhe aq shume pse kam qene e angazhuar pas projekteve te Parisit te cilave do u kthem menjehere pas mbarimit te ketij festivali. E para mbetet kenga Osman Mula e paska pasur doren e mbare. Ishte pikerisht ai qe e zgjodhi Ledina Celon nga bangat e Liceut Artistik per duetin me Luan Zhegun. Atehere vajza studionte violinen dhe skenen e kishte shkelur vetem si top-modele ne spektaklin e Vera Grabockes. Me pas do i jepej e tera kenges duke e harruar fare violinen e duke e reflektuar pasionin per moden ne cdo shfaqje te saj skenike dhe ne hapjen e nje dyqani mode. Violinen e mori serish ne duar ne netet e festivalit, si per te kujtuar kohet, e si per te bindur te tjeret se qe heret ajo ka qene e dhene pas ndryshimeve, nxitur gjithnje prej te tjereve. Ndersa kengen, ne boten e se ciles e futi Mula, nuk do e braktiste kurre me. Gjithcka tjeter qe ndodh eshte e perkohshme, ashtu si edhe ky festival pas se cilit Ledina Celo do i hyje serish punes per realizimin e nje albumi te ri muzikor se bashku me Adi Hilen dhe Pandi Lacon