Recent Posts

91

Postoni shkrimet tuaja / Re: PËRMBLEDHJA POETIKE"KRISMA E FJALËS"Shaban Cakolli

« Last post by shaban cakolli on February 20, 2011, 12:54:13 PM »

VIZIONARIT

I.Rugovës

Jeta
hije e vogël
Për ëndrrën tonë
të madhe

Mbyll një portë
hap një portë
për të dalë në një moshë tjetër

Edhi dita
t’ mbledhim frutet
në atë pemë të jetës
në mungesën tënde

Dita e dhimbje se madhe

N'shekuj morti
u rritën brezat
duke pritur
të vish ti
me një fanar ardhmërie në dorë

Tani një diell i kuq
rri varur
në atë degë të
të bleruar
në pemën e jetës

Ai iku
po një brerore lirie
ndriçon përjetësisht
në atë afresk
me portretin tënd

92

Postoni shkrimet tuaja / Re: PËRMBLEDHJA POETIKE"KRISMA E FJALËS"Shaban Cakolli

« Last post by shaban cakolli on February 20, 2011, 12:53:41 PM »

KUSH JEMI

Kështu ishte
kur jetë
bënim me dreqërit

Brejtësit na e grisnin
dokumentin e identitetit
të mos e njohim
as shembëlltyrën tonë
në ujin e pusit

Na pyesnin: Kush jeni?
nga vini?
a ke dëshmi
për identitet

Ja këtë kartë ndërkombëtare
se këtu kemi ardhur
nga ferri ynë
se jemi në thelb
origjinal

93

Postoni shkrimet tuaja / Re: PËRMBLEDHJA POETIKE"KRISMA E FJALËS"Shaban Cakolli

« Last post by shaban cakolli on February 20, 2011, 12:53:14 PM »

I ZHDUKUR

Një gotë verë
një cigare
si në odat
shqiptare
shuaj mallin e vendliondjes

Pa shtëpi e katandi
shterg i humbur
në stinë vjeshte

Jam shumë larg
vetë syrgjyn
me një gotë
dhe tym duhani
rendis ditët
në rruzaret e vitit

94

Postoni shkrimet tuaja / Re: PËRMBLEDHJA POETIKE"KRISMA E FJALËS"Shaban Cakolli

« Last post by shaban cakolli on February 20, 2011, 12:52:41 PM »

NË VIZION

Në një kopsht në Osnabrück
me një me një dallëndyshe u bëra mik

Zemra bëri benë
se do t’ia ruaj folenë
derisa të kthehet nga shtegëtimi

Iku duke më përshëndet
me krahun e lehtë.
zogu i shkretë

Kalon detëra edhe toka
të sjell të fala
nga Shiroka

N’ ma pashë nënën me lot në sy
ajo qanë edhe për ty:

95

Postoni shkrimet tuaja / Re: PËRMBLEDHJA POETIKE"KRISMA E FJALËS"Shaban Cakolli

« Last post by shaban cakolli on February 20, 2011, 12:52:06 PM »

NËNË MOJ NËNË

Kur u ndava nga ti
o nënë
qava natën e tërë
se kisha mall
për një fjalë tënden

Kur m’i këndoje ninullat
o nënë
në gjoksin tënd.
fluturoja në qiell


Më ty për dore
hapëroja nëpër oborre
dhe sot
më merr marrë malli
të më marrish përdore.
o nënë

Rrudhat e pleqërisë
sa të hijshme i kishe
si vija të dritës të yjeve në qiell
në netët plot hënë

Sa më ka marr malli
për një bukë
nga dora jote.
o nënë
për një bukë misri
me shije fëmijërie

Si zgavër lisi
zemra më është bërë
ke era fsheh borën
për flokët e mia

Edhe zogjët e malit
nëse më thërrasi
t’ i lot mos lësho
qëndro dhe më prit
se do të kthehem një ditë.

96

Postoni shkrimet tuaja / Re: PËRMBLEDHJA POETIKE"KRISMA E FJALËS"Shaban Cakolli

« Last post by shaban cakolli on February 20, 2011, 12:51:41 PM »

MALLI PËR KROIN E FSHATIT

Ngjiten vashat shpatit
shkojnë te kroi i fshatit
të buta si delet
i zbukurojnë belet
kur ngjesin kordelet.

Qafat me rruzare
n’kostume shqiptare
qëndisur me rreze

Kroi i fshatit
ujë rrjedh teposhtë
nga fushat
për t’i çmendur çunat
për t’i joshur çupat

Tani më zgjon etjen
në këtë tokë mërgimi
malli më djeg shtatit
për kroin e fshatit.

97

Postoni shkrimet tuaja / Re: PËRMBLEDHJA POETIKE"KRISMA E FJALËS"Shaban Cakolli

« Last post by shaban cakolli on February 20, 2011, 12:51:20 PM »

KUR DOLA PREJ SHTËPISË

Kur dola prej shtëpisë
ia dhash flakën rinisë

Si qen e tërbuar
lehte uria
e skamnorit
në dheun e huaj

Erdhi koha për t’ u nisë
dhe i thash nënës
të ma varë atë bazybe
në qafë
që të më ruaj
nga syri i keq i mërgimit

Zemra e nënës
u vyshk për një minut
siç vyshket lulja nën brymë
dhe zemra e mërgimtarit nga malli

Një vaj i padukshëm
ma dridhi buzën
dhe s’ mund të them
asnjë fjalë malli
për tokën që po e lë

Jetë e namur
sot për nesër
me rininë e humbur viteve
të njomura me lot

Vitet shënohen
me hijeroglifet
për historinë fatkeqe
të brezave që po vijnë

98

Postoni shkrimet tuaja / Re: PËRMBLEDHJA POETIKE"KRISMA E FJALËS"Shaban Cakolli

« Last post by shaban cakolli on February 20, 2011, 12:50:54 PM »

ME SHTEGTARËT

Bashkë me dallëndyshet
u nisëm
për një ditë shtegëtimi

Kaluam fusha
lumenj dhe detra
për ta gjetur folenë
e stërgjyshërve pellazg

Kur vinin pranverat
dhe bora shkrihej
në diell shfaqej
strofulli i lashtë
në një dege të tharë

99

Postoni shkrimet tuaja / Re: PËRMBLEDHJA POETIKE"KRISMA E FJALËS"Shaban Cakolli

« Last post by shaban cakolli on February 20, 2011, 12:50:34 PM »

BUZË LUMIT RAJNA

Buzë lumit Rajna
mbi syprinën e ujit
hijen mallit e ndeza
tani jam pa hije
i lehtë si avulli
si një hije malli
që ka rënë mbi ujë

100

Postoni shkrimet tuaja / Re: PËRMBLEDHJA POETIKE"KRISMA E FJALËS"Shaban Cakolli

« Last post by shaban cakolli on February 20, 2011, 12:50:10 PM »

NËN QIELLIN E HUAJ

Ky qiell mbi rrokaqiell
dhe jeta jonë drith e miell
brenda mureve të betonit
vyshket e pafaj
në këtë nënqiell

Deri në asht unë kam acar.
dhe duhet të mbulohem
me një re të trashë tymi
ose të pëlcas si tollumbace
në duart e një fëmije bonjak
e gjuajtur
nga një shigjetë acari

Zemra ime e mërdhirë
del gjysmëlakuriqn të shëtisë
nëpër kopshtin e mbuluar me vesë