NJË DITË E BUKUR NË PRESHEVË

NJË DITË E BUKUR NË PRESHEVË, VENDTAKIMI NË ZHUNICË. U MBAJT  MANIFESTIMI KULTUROR  ME FIS E PLIS NË RUAJTJE TË ETNIKUMIT BURIMOR SHQIPTAR*

Shkruan: Xhemaledin SALIHU

Të shtunën, më 4 qershor 2022, në restorantin “Romansa” në Zhunicë të Preshevës u mbajt realizimi i projektit: “Jehona e poezisë dhe e recitimit shqiptar, trashëgimi kulturore shpirtërore në Luginë të Preshevës”, në organizim të Shoqatës për Trashëgimi dhe Krijimtari kulturore në Preshevë, ndërsa realizimin e projektit e financoi Ministria e Kulturës, Rinisë dhe Sportit e Republikës së Kosovës, me këtë rast e faliminderojmë.

Në këtë manifestim kulturor morën pjesë: poetë, recitues, studiues dhe pjesëmarrës të viseve shqiptare.

Këshilli organizativ, në përbërje të: Xhemaledin Salihut, kryetar, Jonuz Fetahaj dhe Hysen Këqiku hartoi një program të pasur për manifestimin në fjalë.

Moderimin dhe fjalën e rastit e pati Z.Xhemaledin Salihu, kryetar i Shoqatës për Trashëgimi dhe Krijimtari kulturore e Luginës së Preshevës me seli në Preshevë, i cili së pari përshëndeti Kryesinë e punës, në përbërje të: Xhemaledin Salihu,kryetar, bartës i projektit, Jonuz Fetahaj, shkrimtar, Afeida Boriçi, regjisore, Mexhid Mehmeti, shkrimtar dhe Hysen Këqiku, shkrimtar dhe asistent i bartësit të projektit.

Pastaj përshëndeti Prof.Dr. Agron Xhagollin, Prof.Dr. Shefki Kadri Selamin, avokatin Agron Isa Gjedinë, të gjitha delegacionet nga Tetova, nga Kumanova: Fatos Rushitin, kryetar i Klubit të Shkrimtarëve “Jehona e Karadakut”, delegacionet nga Prishtina, Gjilani, Dardana, Bujanoci e Presheva.

Manifestimi kulturor, sipas fjalës së rastit duhej të organizohej më 23 prill 2022, Ditën Botërore të Librit, mirëpo për shkak të Muajit të Ramazanit u shtye më 4 qershor.

Mbajtja, organizimi dhe realizimi i këtij projekti pati disa qëllime:

1.Promovimin dhe prezantimin e aktiviteteve letrare dhe recituese,nëpërmjet Ekspozitës së organizuar me fotografi nga e kaluara e aktiviteteve dhe recitimit në lokalin e restorantit “Romansa”, të cilën e shikuan të gjithë pjesëmarrësit e manifestimit dhe u kënaqën me fotografitë e prezantuara.

2.Promovimin dhe prezantimin e parë, në realitet fillimin e mbajtjes dhe organizimit të Festës së Plisit të Bardhë.

Shoqata për Trashëgimi dhe Krijimtari kulturore në Preshevë, Shoqata e Bytyçasve Tiranë, Shoqata për shkencë dhe kulturë “Pellazgët” Tetovë e patën nënshkruar një Memorandum në Preshevë, për mbajtjen e Festës së Plisit të Bardhë.

Shoqata për Trashëgimi u siguroi të gjithë pjesëmarrësve plisa të bardhë, me të cilët poetët lexuan poezinë e tyre, recituesit i recituan poezitë e tyre.

3.Promovimin dhe prezantimin e ushqimeve tradicionale preshevare në këtë manifestim, duke shtruar drekë me këto ushqime tradicionale, duke filluar nga çorba, paqja, mishorizi, pite, fli, bakllavë, tëmbëloriz dhe sarëm, të gjithë pjesëmarrësve në Manifestim.

Në Manifestim u lexuan tri ligjërata:

1.Jonuz Fetahaj:”Fillet dhe historiku i shkrimeve shqiptare në Luginë të Preshevës”

2.Hysen Këqiku: “Aktiviteti, zhvillimet dhe veprimtaria letrare në Luginë të Preshevës”

3.Xhemaledin Salihu: “ Fillet, historiku dhe veprimtaria e recitimit në Luginë të Preshevës”

Ligjëratat nxitën interesim të posaçëm nga pjesëmarrësit.

Pastaj Programi vazhdoi me poezi e recitim, të cilët përcilleshin me një muzikë adekuate, të lehtë, të përgatitur enkas nga Skender Halimi.

Grupa I

1.Albina Idrizi, poete

2.Fatos Rushiti, poet

3.Krenare Ismaili, poete

4.Arsim Halili, poet

5.Bleron Hevziu, recitues dhe interpretues/student i Akademisë së Arteve/

6.Nikollë /Nikë/ Prendi, recitues dhe surprizë nga Tirana

Grupa II

1.Bilall Maliqi, poet

2.Sunaj Raimi, poet

3.Lirona Bejtullahu, poete

4.Hidajete Haliti, recituese

5.Afeida Boriçi, recituese

Grupa III

1.Jalldëze Kasumi, poete

2.Xhahit Ramadani, poet

3.Nexhat Rexha, poet

4.Sevdail Demiri, poet

5.Elton Mehmeti, recitues

6.Nikollë Prendi, recitues

Grupa IV

1.Rumejsa Jakupi, poete

2.Avni Shaqiri, poet

3.Nehat Ramizi, poet

Juria profesionale: Jonuz Fetahaj, kryetar, Mexhid dhe Hysen Këqiku pasi ndëgjoi poezitë u tërhoq për të punuar në vlerësimin e poezive.

Në vazhdim u organizua bisedë lidhur me tri ligjëratat, poezitë e lexuara, recitimet dhe rrëfim të ndonjë evokimi nga pjesëmarrësit nga aktivitetet e kaluara letrare dhe recituese.

Në këtë pjesë lexoi një poezi Xhahit \ramadani, Agron Isa Gjedia foli për librin e botuar mbi Plisin e Bardhë, Xhemaledin Salihu dhe Xhemaludin Rexhepi.

Shoqata për Trashëgimi dhe Krijimtari kulturore në Preshevë, të gjithë pjesëmarrësve u dha Certifikata.

Mirënjohje morën:

1.Nexhati Rexhepi-për kontributin e dhënë në trashëgiminë kulturore recituese

2.Xhemaludin Rexhepi- për kontributin e dhënë në trashëgiminë kulturore recituese, të cilën ia dorëzoi Avokat Agron Isa Gjedia

3.Agron Boriçi-për kontributin e dhënë në trashëgiminë kulturore teatrale, pas vdekjes, të cilën e pranoi Afeida Boriçi, ndërsa ia dorëzoi Prof.Dr. Agron Xhagolli

4.Sahadete Emërllahu-Presheva- për kontributin e dhënë në trashëgiminë kulturore letrare, pas vdekjes

5.Feime Selimi- për kontributin e dhënë në trashëgiminë kulturore letrare, pas vdekjes

6.Demir Behluli- për kontributin e dhënë në trashëgiminë kulturore letrare, pas vdekjes, të cilën e pranoi Jonuz Fetahaj

7.Qerim Arifi- për kontributin e dhënë në trashëgiminë kulturore letrare, pas vdekjes, të cilën e pranoi Arbëresha Arifi, ndërsa ia dorëzoi Prof.Dr. Shefki Kadri Selami.

Në fund të manifestimit kulturor, Juria profesionale i shpalli rezultatet:

Vendi i Parë i takoi Albina Idrizit, poete, Certifikatën ia dorëzoi Jonuz fetahaj

Vendi i Dytë i takoi Sevdail Demirit, poet, Certifikatën ia dorëzoi Mexhid Mehmeti dhe

Vendi i Tretë i takoi Jalldëze Kasumit, poete, Certifikatën ia dorëzoi Hysen Këqiku.

Të gjithë pjesëmarrësit u shprehën në superlativ lidhur me organizimin e manifestimit kulturor dhe referenca e të gjithëve ishte që ky manifestim kulturor me këtë program të pasur të shpallet tradicional.

*Titullin e huazova nga shkrimi i Nexhat Rexhës, pjesëmarrës.

 

Leave a Reply

Your email address will not be published.

error

Nese e pelqyet ket artikull? Ju lutemi përhapni fjalën :)

Follow by Email
YouTube
YouTube